මහාචාර්ය චන්න ජයසුමන විසින් ලියා පළ කරන ලද "උතුරු පළාතේ පෞරාණික බෞද්ධ උරුමය" ගවේෂණාත්මක කෘතිය මාර්තු 4 වන දා සවස 3ට කොළඹ 07, බෞද්ධාලෝක මාවත බෞද්ධ මහා සම්මේලන ශ්රවණාගාරයේ දී ජනගත කෙරිණ.
මෙතෙක් ශ්රී ලංකාවේ උතුරු පළාතෙන් හමුවී ඇති සියලු ම බෞද්ධ උරුමයක් සහිත පුරාවිද්යාත්මක ස්ථාන සහ ඒවායෙන් හමු වූ පුරාවස්තු සියල්ලක් ඡායාරූපයට නගා විස්තර සහිතව මෙම කෘතියේ දක්වා ඇත. කෘතිය A3 ප්රමාණයේ වර්ණවත් පිටු 168කින් සමන්විත වන අතර වර්ණ ඡායාරූප 700කට වැඩි ප්රමාණයක් අඩංගු වෙයි.
උත්සවයේ මුලසුන ජ්යෙෂ්ඨ මහාචාර්ය කොටපිටියේ රාහුල අනුනායක හිමියන් උසුලනු ලැබූ අතර අස්ගිරි විහාර පාර්ශවයේ ලේඛකාධිකාරී මැදගම ධම්මානන්ද හිමි, ශ්රී ලංකා රාමඤ්ඤ මහා නිකායේ අනු නායක වලේබොඩ ගුණසිරි හිමි, ජ්යෙෂ්ඨ මහාචාර්ය කන්දේගොඩ විමලධම්ම හිමි සහ හිටපු පුරාවිද්යා අධ්යක්ෂක ජනරාල් ආචාර්ය සෙනරත් දිසානායක එහිදී අදහස් දක්වන ලදී.
කෘතිය සුසර ප්රකාශනයක් වන අතර රුපියල් 9,000/= මිලක් වන නමුත් සති 2 කට පමණක්(මාර්තු 16 වනදා පමණ දක්වා) රු .5,000/= ක මුදලකට මෙය ඔබට මිලදී ගත හැක. මිලදී ගන්නා ආකාරය පහලින් දැක්වේ.
පොත මිලදී ගත හැකි ආකාරය :
ලැබිය යුතු නම, ලිපිනය සහ සම්බන්ධ කරගත හැකි දුරකථන අංකයක්ද දන්වන්න.
